2050:Odisea espazioetan

KARRASKANen Berrikuntza eta Kulturaren XI. Jardunaldia

Sortzen Laguntzeko Guneen pluribertsorako bidaia
Geure burua baliatu eta etorkizunak arakatzeko espazio-denbora

12/16/2025, 9:30am

SONORA sala (Astrabudua-Erandio)

Espediziorako pasabidea: 5€

TIPOTOKIAK / ESPECIEDESPACIOS hausnarketa proposatzaileari hasiera emateko jardunaldia. Sortzen Laguntzeko Guneen (SLG) egungo egoeren eta etorkizunen dimentsio arteko ateak zabaltzeko topaketa. Uneko guneen pluribertsoa arakatzeko bidaia, errealitate nagusietara lotzen gaituzten larrialdi eta baldintzatzaileak, logika eta mugak zeharkatuz, geure burua hortik haratago irudikatu ahal izateko. SLGen inguruko fikziozko lurraldeen esplorazio kolektiboa, etorkizun posible eta desiragarriak irudikatu eta aktibatzeko.

Arthur C. Clarke eta Stanley Kubricken imajinarioarekin jolastuz, “2050: Odisea en los espacios / 2050: Odisea espazioetan” jardunaldiak: 1) guneetan jartzen du arreta, hausnarketa espekulatiboaren xede diren heinean; 2) berehalakotasuna alde batera uzteko aukera ematen digun epe bat proposatzen du, urrunegi dagoen etorkizunera jo gabe; 3) sorkuntzarako espazio independente bat bideragarri egiteko ahaleginak dakarren odisea azaltzen du; eta 4) zenbait elementu sinboliko hartzen ditu lan egiteko-jolasteko-irudikatzeko balio duten metodologiak eta matrizeak sortzeko.

Jardunaldian zehar:

  • SLGek beren eginkizuna betetzeko behar dituzten irizpideak, oinarrizko baldintzak eta ezaugarri nagusiak identifikatuko ditugu.
  • Gune hauen erronka eta aukera garrantzitsuenen inguruan hausnartuko dugu, etorkizun horietarantz bideratuko gaituzten ekintzen sorburua diren narratiba mobilizatzaileak garatzen saiatzeko.
  • Parte hartzaileen arteko interakzioa eta ezagutza ahalbidetuko dira, harremanen alderdiak eta adimen kolektiboaren aprobetxamendua sustatuz.
  • Landutako guztia erregistratuko da eta lizentzia libreen bidez partekatuko da, prozesu hau eta beste batzuk modu irekian elikatzeko.

PARTE HARTU! KARRASKAN erakundetik deialdia egiten diegu SLGen bizi eta garapenarekin zerikusia duten eragile guztiei esplorazio zuzendu honetan parte hartu dezaten, horren barne direla sustatzaile eta kudeatzaileak, erabiltzaile mota guztiak eta baita beste interes talde batzuk ere (finantzatzaileak, lotutako zerbitzuen hornitzaileak, etab.). Gero eta ahots zein ikuspuntu aniztasun handiagoa lortu, orduan eta elikagarriagoa izango da bidaia. Hala ere, ontziaren espazioa kontuan hartuta, abenduaren 16rako 60 toki ditugu bakarrik. Beraz, parte hartu nahi baduzu, egin erreserba lehenbailehen.

Bat egin espedizioan

Prograna
de la expedición

ONTZIRATZEA

09:30 – 10:00
(30’)

Ateak zabaltzea. Parte hartzaileak iritsi eta izena ematea. Hasierako topaketa eta elkarrizketetarako momentu lasaia.

3, 2, 1… AIRERATZERA GOAZ!

10:00 – 10:20
(20’)

Irteera programatutako orduan. Tripulazioaren ongietorria. Espedizioaren helburuen eta jarduera programaren aurkezpena eta bidaiarako oinarrizko jarraibide batzuk.

IKUSKAPENA

10:20 – 10:50
(30’)

Hasteko, norabide erkide posible baten bila hasiko gara, elkarrekin, noraezean. Pixka bat elkar ezagutzeko, gurutzatzeko, espazioa ezagutzeko eta gaiari heltzeko erlazio ariketak eta ariketa performatiboak.

KOORDENATUAK EZARTZEA

12:00 – 13:00
(70')

Zer dira Sortzen Laguntzeko Guneak? Zein oinarrizko ezaugarri dituzte? Eta zeintzuk dira ezaugarri bereizgarriak, tipologiaren arabera? Nola ebaluatzen dira sorkuntzan laguntzeko dituzten efektuak? Zeintzuk dira kontuan hartu beharreko alderdirik garrantzitsuenak? …? TIPOTOKIAK / ESPECIEDESPACIOS ekimenetik garatzen ari diren SLGak interpretatzeko bi matrizeen aurkezpena. Talde txikietako lana, matrize horiek osatzen dituzten 16 alderdiak alderatu eta kontuan hartu beharreko zulo beltz edo puntu itsu posibleak identifikatzeko.

GUREAN ERE BADIREN BESTE MUNDU BATZUK

12:00 – 13:00
(60’)

SLGen pluribertsoa kasuz, jardunbide egokiz eta beste plano paralelo batzuetan –zenbaitetan, intersekzionalak– jarduten duten beste agente batzuez beteta dago. Agente horietako lauk orain arte egin duten lana gurekin partekatuko dute, artikulazio kolektiboari, politika publikoei, sareko ekosistema indartzeari eta bidegurutze eta konexio puntuak bilatzeari dagokienez. 

  • Amelie Aranguren, Plataforma de Espacios Independientes de Creación Contemporánea ordezkatuz, Madrilgo sorkuntza guneen premiak eta potentzial bereizgarriak azpimarratu eta ezagutzera emateaz arduratzen den sarea. Orain, estatu mailan zabaltzeko ahaleginean daude, Radar ekimenaren bitartez. Amelie komisarioa eta aktibista kulturala da, eta une honetan Paisanaje esplorazio eta ekintza taldeko kide eta Centro de Acercamiento a lo Rural zentroko arduraduna da.
  • Dorien Jongsma, El Cubo Verde ordezkatuz, landa eremutik, jardunbide artistikoen bidez, habitateko kide izateko modu alternatiboak zalantzan jarri eta sustatzen dituzten ekimenei bultzada eta laguntza emateko estatuko sarea. Dorien landa eremuko sustatzaile kulturala da, eta baita Imágenes y Palabras kultura elkarteko eta El Hacedor sorkuntza zentroko koordinatzailea ere, Oñan (Burgos).
  • Inés de Egaña López-Doriga, Espainiako Gobernuko Kultura Ministerioko Eskubide Kulturalen Zuzendaritza ordezkatuz. Zuzendaritzak duela gutxi plazaratu du Eskubide Kulturaren Plana, kultura puntuak, herritarren laborategiak eta kultura sorkuntzarekin, bitartekaritzarekin, ikerketarekin eta berrikuntzarekin lotutako hurbileko beste ekipamendu batzuk sustatzeko helburuarekin. Inés artearen historialaria da eta IberCultura Viva sareko Kultura eta Herritarrak taldeko kide da.

·       Mireia Llunell, xarxaPROD ordezkatuz, sorkuntza garaikidearekin eta ekoizpen kulturalarekin lotutako askotariko erakunde, proiektu edo plataforma publiko zein pribatuk osatutako Kataluniako espazioen sarea. Gaur egun, Mireia xarxaPROD sareko presidentea da, eta 30 urte luzeko ibilbidea duen L’Estruch izeneko Sabadelleko zuzeneko arteen sorkuntza fabrikako zuzendaria ere.

DESKONPRESIOA ETA ENERGIAK BERRITZEA

13:00 – 14:20
(80’)

Berrasieratzeko eta energia kargatzeko unea. Oinarrizko bizi-funtzioen arreta. Jatea, elkar antolatzen, zaintzen eta pentsatzen garelako seinale moduan. Janaria ildo isil baten antzerakoa da, bulkada primariotik bizitza orbitaleko elikadura estandarizatura doana, eta hortik, eraldaketa atalase batera, izateko-jateko beste era batera gonbidatzen gaituen mahaiaren azken keinuarekin. Umamie showcooking antzeztuaren eskutik, zortzi ekitaldiko ibilbidean zehar.

KOSMOIKUSPEGIAK SENTIPENTSAMENDUETATIK

14:20 – 15:20
(60’)

Arakatzeko planeta amaigabeak. Jorratzeko gaiez betetako galaxia bat. Konstelazioak marrazten dituzten erronka konektatu interkonektatuak. SLGen orainak eta etorkizunak lotzen dituzten dimentsio arteko ateak. Probatu beharreko bizigarritasun atmosfera eta baldintzak. Interesak adierazteko eta zehaztasunetan lur hartzeko aukera bat. Norbanakoa abiapuntu hartuta kolektiboki sortzeko ariketa bat, arakatzen jarraitzeko bide posibleak adierazten dituen izarrarteko mapa bat.

HELMUGARA IRISTEA?

15:20 – 15:30
(10’)

Arakatze saioa elkarrekin ixtea eta hurrengo urratsak aurkeztea.

ONTZIA UZTEA

15:30 – 16:30
(30’)

Gero arteak. Azken uneak. Itzuli naiz, aterkia ahaztu zait eta. Talde teknikoak desmuntatzeari ekingo dio. Ateak itxi egingo dira.

Bat egin espedizioan

Informazio praktikoa

  1. Esplorazio-bidaia hori 2025eko abenduaren 16an izango da, asteartean, 10:00etatik 15:30era (bazkaltzeko denbora izango da, espedizioaren programaren barruan).

  2. Topagunea SONORA sala izango da, Ribera de Axpe Etorbidea 27 helbidean, Astrabudua-Erandion (Bizkaia), Astrabudua metro geltoki (1. linea) ondoan.

  3. Parte hartzearen eta esperientzia osoaren kalitatea bermatze aldera, esplorazio topaketa honetan 60 bidaiarirentzako tokia izango dugu bakarrik. Beraz, parte hartu nahi baduzu, egin erreserba lehenbailehen. Espedizioan parte hartzeak 5 €-ko kostu sinbolikoa dauka.

KREDITU MODUAN

ESPLOLAZIOA SUSTATZEA: Berrikuntza eta kultura jardunaldien bitartez, KARRASKANetik zunda arakatzaileak bidaltzen ditugu kezkatzen gaituzten, eragiten diguten edo sortu berriak diren gaietara hurbiltzeko. Formatu horrek aukera ematen digu erronka erkideak identifikatzeko, ezagutza partekatzeko, esperientziak trukatzeko eta zenbait auziren inguruan kolektiboki esperimentatzeko.

DISEINUA ETA AHALBIDETZEA: Formatuari, edukiari eta metodologiari dagokienez, ColaBoraBora erakundea arduratu da esperientziaren diseinuaz, eta haiek zuzenduko dute ere espedizioa, adimen kolektiboaren potentziari onura ateratzeko ahaleginean, horretarako hausnarketa, jolasa, espekulazioa eta harremanak uztartuz.

IMAJINARIO GRAFIKO ETA BISUALA: Izarrarteko bidaia kognitiboak, tangram moduan desegiten diren monolitoak, korridore eta matrize oktogonalak… Ojobuey estudioak Ms Barrons-ekin lankidetzan sortu duen imajinario horrek lotura zuzena dauka “2001 Odisea en el espacio” lanarekin, eta jardunaldi honetarako egin duten aplikazio instrumentala abiapuntu hartuta, TIPOTOKIAK / ESPECIEDESPACIOS ekimen osora zabaldu da.

SOINU BANDA: Esplorazio saioak berariaz sortutako soinu banda bat izango du, Gregorio Sánchez Pérez diziplina anitzeko artistak sortua. Sei ordutik gora, pasadizo eta paisaiaz beteak, giro eta atmosferaz, soinu interstizialez, geruza eta fluxuez, hutsune eta nebulosaz beteak, jardunaldia zeharkatzeko, bidaian lagun egiteko.

TRANSMEDIA ERRELATORETZA: Espedizioan, dokumentazio eta komunikazio talde bat izango dugu gurekin, Curruscu eta No Te pierdas En Las Redes-en eskutik, gertatzen den guztia jasota utzi eta horren berri emateko.

ELIKADURA INSPIRATZAILE ETA JASANGARRIA: Bazkariaren momentua esplorazioaren parte izango da ere. Proposamen gastronomiko jasangarri, formal eta kontzeptualki oso landuen bitartez, Umamie-k “Nola jaten dut?” galdera planteatuko digu, janariarekin erlazionatzeko moduen eta jatearen inguruan hausnartzeko.

ESPAZIORA ERAMANGO GAITUEN ESPAZIOA: SONORA sala, Europako klub onenetako bat izateaz gain, espazio ezin hobea da espazio ontzi batean sartu eta mundu sideralera abiatzeko. Gainera, Diego Lorente gure bidaide izan da beste abentura batzuetan aspalditik, eta ongi ezagutzen dugu haratago begiratzeko eta saltsetan sartzeko duen joera, beti lagundu nahian.

Bat egin espedizioan
Esta web utiliza cookies propias para su correcto funcionamiento. Contiene enlaces a sitios web de terceros con políticas de privacidad ajenas que podrás aceptar o no cuando accedas a ellos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Más información
Privacidad